सातारा जिल्ह्यातील वाई येथे जन्मलेल्या डॉ. गुरुनाथ मुंगळे यांनी इंग्रजी व संस्कृत विषयात एम.ए. ची पदवी घेतली. त्यानंतर त्यांनी शासकीय तंत्रनिकेतन पुणे व कोल्हापूर येथे इंग्रजीच्या अध्यापनाचे कार्य केले. १९५७ पासून त्यांनी श्री दत्त भक्तीस सुरुवात केली होती. त्यांनी संत वाड:मय व तत्त्वज्ञानाचा अभ्यास केला. संतचरित्रे व तत्त्वज्ञान या विषयावर त्यांनी विविध ठिकाणी व्याख्याने व प्रवचन देण्यास सुरुवात केली. संत साहित्यावर विपुल लेखन केले. त्यांना दिल्ली येथील जागतिक शांतता परिषदेला आमंत्रित करण्यात आले होते. डॉ. मुंगळे हे कोल्हापूर येथे भरलेल्या संत साहित्य संमेलनाचे अध्यक्ष होते.